Втор ден протести во Скопје против договорот со Грција

 

Пред Собранието на Република Македонија и вечерва се одржува протест на здруженија на граѓани поради договорот меѓу Македонија и Грција за решавање на спорот за името.

Насобраните граѓани го блокираа булеварот „11 Октомври“ пред собраниската зграда, пред која е поставен полициски кордон.

Побараа да запрат активностите за промена на името и оценија дека договорот е штетен за државата.

Како што изјавија дел од учесниците на протестот, граѓаните треба да покажат дека тие одлучуваат за својата и иднинатата на државата. 

- Секој граѓанин без оглед на националноста и политичката определба треба да учествува на протестите и да се спротивстави на договорот, ова се критични времиња за државата, да им се спротивставиме на неодговорните политичари, беа дел од пораките на протестот.

Дел од присутните пееја патриотски песни и го извикуваа името на претседателот на државата Ѓорге Иванов.

За време на синоќешниот протест беа приведеи 10  лица поради нарушување на јавниот ред и мир

 

 

 

14.06.2018 - 21:28

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа