Вонредно обраќање на кралицата Елизабета Втора поради Ковид-19

Кралицата Елизабета Втора ќе им се обрати вечерва на граѓаните на Велика Британија, кои ќе ги повика одлучно да се спротивстават на кризата предизвикана од новиот коронавирус.

– Се надевам дека сите во годините кои следуваат ќе можат да бидат горди на тоа како одговориле на овој предизвик. А оние кои ќе дојдат по нас ќе можат да кажат дека оваа генерација Британци била силна, како и сите претходни, се наведува во пораката на британската кралица.

Багингемската палата соопшти дека станува збор за вонредна телевизиска порака, петта која кралицата Елизабета Втора ја снимила во текот на нејзините 68 години поминати на престолот, исклучувајќи ги новогодишните обраќања.

Во момент кога британскиот премиер Борис Џонсон се наоѓа во самоизолација, а голем број министри се позитивни на Ковид-19, во Багингемската палата тврдат дека обраќањето на кралицата е снимено во дворецот Виндзор под високи мерки на предострожност, каде во просторијата биле присутни само таа и снимателот, кој бил со целосна заштитна опрема.

 

 

 

Добивајте вести на Viber

05.04.2020 - 15:54

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега