Во Швајцарија денеска ќе бидат погребани таткото и синот од струмичко кои беа убиени на тамошна фарма

Во Лозана, Швајцарија денеска ќе бидат погребани таткото Наум Колев (47) и синот Андон (23) од селото Мокриево, струмичко, кои беа убиени на 26 минатиот месец во местото Соренс, во кантонот Фрибург, а нивните тела беа пронајдени наредниот ден на фарма за коњи покриени со арско ѓубре, соопштија од Македонската православна црковна општина „Собор на сите македонски светители“.

Според информации од Швајцарија, тие ќе бидат погребани таму поради пандемијата од коронавирус и неможноста да бидат донесени дома.

Семејството Колеви петнаесетина години живеело во Швајцарија и важело за мирно и работливо. Според струмичани што живеат таму, таткото и синот заминале кобната вечер од својот дом за да си ги повлечат дадените пари за купување на земјоделска механизација.

Швајцарските истражни органи за убиството сомничат триесет годишен маж, кој е уапсен и ја признал вмешаноста во убиството. При претресот кај него било пронајдено огнено оружје, а истрагата треба да ги утврди околностите под кои биле убиени таткото и синот.

 

 

 

Добивајте вести на Viber

02.04.2020 - 10:27

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега