Во Бугарија уапсени група измамници кои присвојувале недвижен имот од починати лица

Полицијата во Бугарија уапсила шест луѓе осомничени дека биле членови на измамничка група кои со помош на лажни венчални листови се стекнувале со недвижен имот и други работи од починати лица.

Шестемина приведени за пет години стекнале нелегално 15 имоти во вредност од 500.000 евра.

Меѓу уапсените има еден полицаец кој ги пронаоѓал информациите и еден градски функционер од Софија. Улогата на полицискиот службеник била да пронајде стари или неодамна починати лица со вредни недвижности и пари, а градскиот службеник бришел потенцијални наследници и издавал фалсификувани венчални листови, соопшти Обвинителството за организиран криминал.

Една од лажните венчаници, наводно, била издадена во Русија.

Групата е откриена откако еден од нив, маскиран како жена, во средата се обидел да подигне 600.000 лева (300.000 евра) од банка во Софија за да купи стан во готово.

 

 

 

Добивајте вести на Viber

17.01.2020 - 23:26

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега