ВМРО-ДПМНЕ: Заев со казната од 50 евра за сообраќаен прекршок сака да ја залажува јавноста дека има правна држава

Зоран Заев со казната од 50 евра за сообраќаен прекршок сака да ја залажува јавноста дека во Македонија има правна држава. Додека прават евтин театар јавноста се уште очекува реакција од институциите за криминалниот бизнис кој го направи Заев со контроверзниот бизнисмен Дака Давидовиќ тежок 200 милиони евра. Јавноста чека реакција од институциите и за аферата „Леонардо“ и за аферата „СВ Инвест“ и за десетици криминали на власта на Заев тешки стотици милиони евра, се вели во партиското соопштение на опозициската ВМРО-ДПМНЕ.

-Аболицираниот криминалец Заев треба да одговара многу повеќе од 50 евра казна. Со своето мафијашко владеење ја направи Македонија најкорумпирана држава во Европа во која мафијата се богати а народот осиромашува. Ја задолжија државата за нови милијарда евра за само три месеци, период во кој 40.000 луѓе без работа, а економијата отиде во минус 12,7%. Тоа само покажува дека криминалот и корупцијата на мафијата на власта ги јадат економијата и стандардот, истакнуваат од партијата.

Затоа изборот е или мафијата на Заев или Македонија. Народот ќе ја одбере Македонија, додаваат од ВМРО-ДПМНЕ.

 

 

 

Добивајте вести на Viber

24.09.2020 - 09:01

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега