ВМРО-ДПМНЕ: Заев граѓаните ги доведе до питачки стап, Македонија влезе во категорија на високо задолжени земји
Заев без срам и перде говори за сиромаштија, а тој ја осиромаши Република Македонија, велат од ВМРО-ДПМНе како реакција на обраќањето на премиерот Зоран Заев.
Според партијата, Зоран Заев граѓаните ги довел до питачки стап.
-Над 40.000 граѓани останаа без своите работни места во ек на пандемија. Над 500.000 граѓани се на раб на егзистенција, живеат со 50-тина денари на ден. Во ек на пандемија кога државите ги намалуваат даноците, Зоран Заев се дрзна и преку Бислимоски ја покачи цената на струјата за 7.4%. Поради Зоран Заев и неговата неспособна влада Македонија официјално ги прекрши Мастришките критериуми. Јавниот долг е 60.3% и земјата е влезена во категоријата на високо задолжени држави. Власта ја задолжува Македонија, а нема никаков план за развој. Со новиот ребаланс кој е во Собрание се крати од капитални инвестиции и проекти, и не се вложува во здравство и образование во ек на пандемијата. Македонските граѓани од СДСМ единствено добија сиромаштија, се вели во реакцијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа