ВМРО-ДПМНЕ: Шилегов за 4 години го зголеми долгот на Скопје за 8.5 пати, а не направи ништо

Шилегов за 4 години го зголеми долгот на Скопје за 8.5 пати, а не направи ништо, само врши набавки по дупли цени. Петре Шилегов за 4 години колку што е градоначалник не направи ништо, тој не успеа ниту да почне еден свој капитален проект, по кој ќе можат идните генерации да се сеќаваат на него. На Шилегов сите ќе се сеќаваат по тоа дека е единствениот градоначалник во Скопје кој не направил ништо, стои во соопштението на ВМРО-ДПМНЕ.

– 8.5 пати е зголемен долгот. Градот е задолжен, а никој не знае за што и како се потрошени овие пари. Во истовреме Шилегов само се расфрла за набавки на ствари и услуги кои ги плаќа двојно и тројно поскапо. Шилегов само со една набавка, таа на противпожарното возило со скала потроши 900.000 евра повеќе од тоа што троши град Загреб, велат од партијата.

ВМРО-ДПМНЕ посочува само со една набавка Шилегов им зема 1 милион евра на скопјани.

 

– Иста е постапката и со набавката на клупи со 7 даски за 500 евра. Шилегов воопшто не размислува како ги троши парите на скопјани. Трошејќи се заборавил, па троши и од парите на идните генерации. 4 години Шилегов, 4 години украден живот. Доста е, додаваат од партијата.

15.06.2021 - 09:04

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега