ВМРО-ДПМНЕ: Костадинов заедно со Боки 13 е соучесник во рекетот на Заев

„Костадин Костадинов и СДСМ ја повредуваат интелигенцијата на народот. Мислат дека со манипулации ќе ја дефокусираат јавноста од реалноста дека во овие три години власта на Заев создаде и заштитуваше рекетарски и криминални мрежи кои милионите евра со торби ги носеле кај Зоран и Вице Заеви, за што постои сведоштво“, реагираат од ВМРО-ДПМНЕ на прес конференцијата на Костадинов.

Од партијата велат дека Костадинов сака граѓаните при очи да ги прави слепи дека ден Дончев става снопчиња пари во торба, при уши да ги прави глуви да не разберат дека владата на Заев нудела бизнис на про-рускиот бизнисмен Дака, за што тој дал 300 илјади евра.

„Граѓаните јасно видоа дека со власта на Заев нема правда и борба против корупцијата, затоа што слушавме дека правдата била трампана за 4,6 или 8 милиони евра, а Македонија во секој нареден извештај тонеше на листите за борба против корупцијата.

Костадинов, Заев и СДСМ ќе бидат казнети од граѓаните затоа што во очи ги гледаат и ги лажат. Народот ќе даде масовно поддршка на Обновата, затоа што само така ќе се стави крај на мафијата предводена од Заев која ја осиромашува Македонија

 

СДСМ и Зоран Заев покажаа дека можат само повеќе криминал, повеќе рекет, повеќе корупција, повеќе порази и повеќе понижувања! Да ставиме крај на виткањето на кичмата! Исправи се Македонијо, одбери Обнова!“ велат во реакција од ВМРО-ДПМНЕ.

 

 

 

Добивајте вести на Viber

08.07.2020 - 13:22

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега