ВМРО-ДПМНЕ: И по 4 години, Шилегов нема свој проект, па се фали со тие на Коце
Опозициската ВМРО-ДПМНЕ обвинува дека актуелниот градоначалник на Град Скопје и кандидат за нов мандат, Петре Шилегов немал свои проекти и се фали тие на неговиот претходник, Коце Трајановски.
-Подземните сообраќајници на кои Шилегов се повикува како таа кај Јужен булевар се проект на ВМРО-ДПМНЕ, и тоа уште од 2012 година кога е потпишан договорот со инвеститорот „Лимак“ за изградба на станбено-деловниот комплекс, кој како обврска ја има подземната сообраќајница. Шилегов треба и да се одлучи дали му се допаѓа барокот кога ги простира платната со неговиот лик и ликот на Герасимовски или кога прават скапо платени прослави и гозби во тие објекти, велат од ВМРО-ДПМНЕ.
Според партијата, Шилегов ќе остане запаметен како најнеспособниот градоначалник на Скопје.
-Шилегов не направи ништо за Скопје и по 4 години, тој нема свој проект, па се фали со тие на Коце и на една недела пред избори нема програма, па ја краде таа на Данела, се вели во дописот од опозициската партија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа