ВМРО-ДПМНЕ: Дали компанија од соларниот картел на Ковачевски со државна помош гради фабрика за панели кои потоа ќе ги продава на ФЕЦ Осломеј

 

Дезертерот Ковачевски може да бега од одговори, може да се прави недоветен, може да се крие зад кумот, ама аферата Броило го разоткри соларниот картел кој што го создал околу себе, тежок над 26 милиони евра, обвини ВМРО-ДПМНЕ.

ВМРО-ДПМНЕ вели дека постои основано сомнение дека преку трговија со влијание се обезбедувани милионски бизниси, притоа злоупотребувајќи државни позиции и фунции.

„Фирмата која ја основал Ковачевски, Пиксел груп заедно со една бугарска компанија основале фирма АЕ СОЛАР АД Тетово за производство на фотоволтаични панели во ТИРЗ ТЕТОВО. Сето ова се случува откако Ковачевски е станат премиер. Симптоматично и бугарската компанија партнер исто така е формирана откако Ковачевски станува премиер. Оваа новопечена, ќе ја наречеме “бугарско-ковачевска“ инвестиција според информациите од медиумите треба да добие државна помош, што би било судир на интереси, бидејќи владата предводена од Ковачевски ќе даде помош на бизнис во кој удел има компанија основана од Ковачевски, а водена од неговиот кум. Да биде матната зделка целосна, постои основан сомнеж дека оваа компанија од Тетово која е дел од соларниот картел поврзан со Ковачевски треба да произведува и продава фотоволтаици за ФЕЦ Осломеј во која државата има удел“, велат од партијата.

Како што додаваат, тоа е броилото кое брои милиони евра на контото на соларниот картел на Ковачевски, додека народот и стопанството тонат кон банкрот.

„ Дезертерот Ковачевски треба да каже дали и колку државна помош треба да добие компанијата АЕ СОЛАР од Тетово која е дел од овој соларен картел? Дали и колку од произведените панели треба да ги продаде на ФЕЦ Осломеј во кој државата има удел? И на крај да каже каде и колку тој лично влијаел ваквата бизнис шема да се развива и БРОИЛОТО да врти милиони?“, прашуваат од ВМРО-ДПМНЕ.

Оттаму порачуваат дека ќе следат и други детали за оваа афера Броило.

05.10.2022 - 09:23

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега