ВМРО-ДПМНЕ: Ароганцијата и забеганоста немаат нација, но имаат име и презиме - Талат Џафери

ВМРО-ДПМНЕ со ново соопштение побара оставка од претседателот на Собранието на Македонија, Талат Џафери.

Ароганцијата и забеганоста немаат нација, но имаат име и презиме - Талат Џафери! ОСТАВКА!

Џафери ги пцуеше и малтретираше вработените, а сега нема храброст да се соочи со своите постапки за да не мора да поднесе оставка.

Во живо на Собранискиот канал одеше пцуењето и дивеењето на Џафери, кој целата јавност го слушна како се изживува со вработените во собранието, кои молчат и ги трпат неговите навреди.

Џафери ги пцуеше вработените. Тој ги малтретира и се изживува со луѓето кои му се подредени во хиерархија, а сега кога треба да се соочи со своите постапки нема храброст да признае и да си поднесе оставка.

Џафери на кукавички начин денес по 10 дена молк кажа дека не ги пцуел вработените туку нивниот однос, само за да остане на власт, и подмукло повторно да ја злоупотребува позицијата како и до сега шиканирајќи ги вработените.

Џафери е срам за државата и позицијата која ја носи. Џафери да се охрабри и да признае што направил, а потоа да си поднесе оставка веднаш“, бараат од опозициската партија.

Центар за комуникации на ВМРО-ДПМНЕ

25.05.2022 - 12:51

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа