Влез во Словенија за македонски државјани со негативен ПЦР тест не постар од 48 часа
За влез во Словенија на државјани од трети земји, меѓу нив и на Македонија, ќе биде потребен негативен ПЦР тест не постар од 48 часа, објави словенечката Амбасада во земјава.
-Тестот треба да биде направен во референтни лаборатории во државите, а во Северна Македонија тоа е Институтот за јавно здравје во Скопје, наведува Амбасадата.
Во соопштението на Амбасадата, објавено на Фејсбук, се додава дека важи и исклучокот без тест и карантин за влез во земјата, само со цел одржување контакт со потесни членови на семејството, а лицето се враќа во рок од 72 часа, како и за преминување на границата на деца под 14 години само доколку патуваат со потесен член на семејство кој приложил негативен тест.
Одлуката на словенечката Влада за влез на македонски државјани во државата стапува во сила од денеска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
