Влажен бран се движи кон Македонија - метеоролозите со детална временска прогноза

До крајот на денешниот ден времето во нашата држава ќе биде сончево со мала до умерена локална облачност. Ќе дува слаб до умерен а Долж Повардарието повремено засилен ветер од северозападен правец. Температурата ќе се движи во интервалот од -1 до 8 степени, информира метеорологот Славчо Попоски.

Во Скопје и околината времето ќе биде сончево со мала до умерена облачност и со умерен северозападен ветер. Максималната температура ќе се искачи до околу 5 степени.

Потоа во текот на утрешниот ден ќе се задржи претежно стабилно и суво време, додека од вечерните часови па за време на викендот следува период на променливо облачно време со повремени врнежи од дожд и снег на планините. Поинтензивни врнежи ќе има во западните предели каде за време на овој влажен бран локално ќе наврнат над 30 л/м2 воден талог. За време на викендот ќе дува и умерен, на некои места засилен ветер и тоа во сабота од северозападен, а во недела од југоисточен правец.

Температурите особено за викендот ќе бидат во понатамошен пораст и ќе се искачуваат во интервалот од 6 до 13 степени.

 

 

 

Добивајте вести на Viber

28.01.2021 - 10:15

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега