Вистинска драма со среќен крај се одвивала во Санкт Петербург, откако 18-месечно бебе преживеа пад од неверојатни 33 метри. Херои на денот се две медицински сестри кои случајно се нашле под зградата и инстинктивно го искористиле својот капут како импровизирана заштитна мрежа.
„Делувавме инстинктивно. Го видовме малото момче како се качува на работ од прозорецот и знаевме што ќе се случи. Само се погледнавме со другата жена и рековме: ‘Ајде да го фатиме’“, раскажува сестрата Ана Камасова. Благодарение на нивната присебност, детето паднало директно врз палтото, што го ублажило ударот и му го спасило животот. По лекарскиот преглед, утврдено е дека бебето, како со чудо, нема сериозни повреди.