ВИДЕО: Заврши протестот за „Монструм“ - полицијата се повлекува од Бит Пазар

Организаторите, по испорачаните барања, го прогласија протестот за „Монструм“ за завршен. 

Демонстрантите исто така се повлекоа и се смири целата ситуација.

Ситуацијата вза време на протестот неколку пати ескалираше откако учесниците почнаа да фрлаат со камењаз и други предмети кон полицискиот кордон.

Најмалку тројца полициски службеници се здобија со повреди, при што мораше да интервенира и Брзата помош.

Додека едни ја напаѓаат полицијата, други демонстранти ги смируваат учесниците на протестот.

Нападнати беа и новинарски екипи.

Протестот беше организиран поради незадоволството на семејствата на обвинетите во случајот „Монструм“ по изрекување доживотни казни затвор на обвинетите Халил Демири, Африм Исмаиловиќ и Агим Исмаиловиќ, единствена казна затвор од 15 години за обвинетиот Фејзи Азири и единствена казна затвор од девет години на обвинетиот Хаки Азири, обвинети за петкратното убиство на пет лица кај Смилковското Езеро на 12 април 2012 година. За обвинетиот Сами Лута, се одбива обвинението, поради откажување на јавниот обвинител.

Во претходна постапка за убиството на  момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута. Врховниот суд во декември 2017 година ги укина пресудите, ги ослободи од притвор осудените Агим Исмаиловиќ, Хаќи Азири, Сами Љута и Фејзи Азири и им определи мерки на претпазливост.

По укинувањето на пресудите, предметот беше вратен на повторно судење и случајот во март 2018 гoдина го презеде поранешното СЈО. Во септември 2019 година предметите на СЈО ги презема Основното јавно обвинителство за гонење на организиран криминал и беа доверени на јавните обвинители кои дотогаш постапувале по конкретните предмети.

 

 

 

Добивајте вести на Viber

26.02.2021 - 15:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега