ВИДЕО: Уапсен организаторот на вчерашниот протест во Тетово

Телвизија 21 објави снимка од приведувањето на организаторот на вчерашните простести во Тетово, Блерим Ахмеди.

Како што изјави неговиот адвокат за ТВ21, неговиот клиент се сомничи за кривично дело за кое е придвидена казна затвор од една до три години.

Инаку, граѓаните кои вчера попладнево мирно протестираа во Тетово, како поддршка за починатите кои загинаа при пожарот во модуларната болница во Тетово, влегоа во конфликт со полицијата. Тие се упатиле кон седиштето на ДУИ во Мала Речица, но таму им е забранет пристапот.

Групата граѓани почнала да фрла со јајца и со камења кон општинската зграда и притоа дојде до судир и со припадниците на МВР.

Во пожарот кој се случи вечерта на 8. септември во модуларната болница во Тетово загинаа 14 лица, од кои 12 пациенти со Ковид 19 кои биле на лекување.

18.09.2021 - 11:07

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега