Американскиот претседател Доналд Трамп најави радикален потег кој со децении го бранува јавното мислење – објавување на сите тајни досиеја поврзани со вонземски живот и неидентификувани летечки објекти (НЛО). Преку својата платформа „Трут Сошал“, тој објави дека ќе им наложи на федералните оддели и агенции да ги лоцираат и јавно да ги објават сите записи за кои постои огромен интерес кај американските граѓани.
🚨President Trump says he may declassify the alien files, Obama revealed classified information
— UAP James (@UAPJames) February 19, 2026
Doocy: “Barack Obama said aliens are real. Have you seen any evidence of non-human visitors to Earth?”
Trump: “He gave classified information. He’s not supposed to be doing that.”… pic.twitter.com/9DbffHyVn2
Трамп прецизираше дека наредбата ќе биде упатена до секретарот за војна, Пит Хегсет, како и до сите други релевантни институции, со цел да започне процесот на разоткривање на владините податоци за вонземски живот и неидентификувани воздушни феномени. Овој чекор доаѓа како одговор на долгогодишните барања за поголема транспарентност од страна на државата по ова прашање.
Во својот препознатлив стил, републиканецот не пропушти да го критикува својот претходник Барак Обама. Трамп го обвини поранешниот претседател за невнимателно откривање на „класифицирани информации“, алудирајќи на изјавата на Обама во еден поткаст каде, веројатно на шега, потврди дека вонземјаните навистина постојат. Со оваа иницијатива, Трамп ветува дека дебатата за „посетителите од вселената“ конечно ќе добие официјален епилог преку државните архиви.