Видео: Поход на Мумбај - фармери боси пешачеле 6 дена поради ниските цени

 

 Десетици илјади индиски фармери, кои шест дена пешачеа од западните делови на земјата, стигнаа денеска во Мумбај, барајќи да им се одобрат заеми и праведни цени за нивните производи, во момент кога земјоделството во Индија се бори со повеќегодишен пад на приходите. 

Фармерите, претежно сиромашни, планираат да го обиколат Парламентот на сојузната западна држава Махараштра во Мумбај, а многу од нив, во текот на маршот, одеа боси. 

Многу фармери се припадници на племенските групи, кои со генерации ја обработуваат земјата, која не е во нивна, но бараат да им се признае сопственоста над неа.

 

Со земјоделство се занимава повеќе од половината население на Индија, но тој сектор, поради ниските приходи, има удел само 15 проценти во индиската економија.  

На минатогодишниот протест во јужната држава Тамил Наду, многу земјоделци носеа човечки черепи за кои тврдеа дека им припаѓаат на фармери, кои поради големи долгови извршиле самоубиство. 

 

 

 

12.03.2018 - 13:21

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа