ВИДЕО: Невреме ја опустоши Грција - ветер направи хаос во летувалиштата, скршени дрва и уништени возила насекаде

Силно невреме го погоди Неос Мармарас и го опушстоши. На удар на бурата беа и Тасос, Крф, Атина...

Штетата која ја претрпеле мештаните на летувалиштата на Халикидики е огромна. Бурата однела кровови и уништила автомобили.

Силниот ветер кој дувал со брзина од околу 75 километри на час, соборил кровови, саксии и други предмети, кои ги затрупале улиците.

Бурата погодила и други летувалишта, како што се Крф и Тасос, каде биле забележани силни удари на ветер и поплави.

Невремето ја погодило и Атина, каде бројни улици биле поплавени, а ветерот уништувал дрва и кровови.

Во главниот град на Грција исто така била забележана голема штета и скоро 150 повици на пожарникарите од страна на граѓаните кои биле загрозени.

Граѓаните на Атина најмногу ги викале пожарникарите да им помогнат во испумпување на водата од поплавените домови.