ВИДЕО: Момче брутално претепано во Прилеп - „Нема полиција да дојде, сега ќе те затворам во визба“

Две лица удираат по глава и тело момче кое лежи на под, додека тоа бара да викнат полиција. Ваквото видео беше споделено вчеравечер на социјалната мрежа „Твитер“, за по неколку коментари и реакции, тоа да биде избришано, пренеува А1он.

Снимката беше споделена околу 22 часот, а според коментарите кои беа оставени, најверојатно станува збор за кражба, при што, сторителот бил фатен во моментот на извршување. Околу момчето кое лежи на подот, се расфрлани кутии од цигари.

„Не можам повеќе“, вели тепаниот, на што лицата кои го клоцаат му одговараат: „Што не можеш, што не можеш?“, удирајќи го повторно со нога директно во лице. „Викнете полиција нека дојде“, повторно вели тепаниот, а лицата му велат: „Полиција да дојде…Не полиција да дојде, сега ќе те затворам… два-три дена, па по два-три дена полиција ќе дојде. Ти е**м крвта твоја, да ти е**м. Полиција по два-три дена ќе дојде, сега ќе викнам еден ѓуптин да те е***а во визба“, му возвраќаат по што повторно го шутираат директно во лице.

Со споделувањето на снимката, беше пишано дека станува збор за случај во Прилеп, но не беа споделени дополнителни информации.

Од МВР за „А1он“ велат дека ваков случај официјално не е пријавен кај нив, но ќе проверат за што станува збор.

 

 

 

Добивајте вести на Viber

28.03.2020 - 14:37

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега