ВИДЕО: Германската полиција ја отвори вратата на поранешен бункер на НАТО - тука се воделе највалканите бизниси

Германските истражители денес соопштија дека го затвориле центарот за обработка на податоци поставен во поранешниот бункер на НАТО каде што биле активни сајтови на кои се тргувало со дрога и детска порнографија.

Како што на новинарите им откри обвинителот Јерген Бауер, главен осомничен во долгогодишната истрага која довела до вчерашната рација е 59-годишен Холанѓанец за кои властите веруваат дека во 2013-та година го купил бункерот на НАТО во град на реката Мозел во Западна Германија.

Тој потоа го претворил бункерот во голем и добро обезбеден центар за обработка на податоци и го направил достапен за клиентите само за илегални цели.

Истрагата е отворена против 13 лица на возраст од 20 до 59 години, вклучувајќи тројца Германци и седум холандски државјани

Тие се обвинети за формирање на злосторничка организација и разни други дела, вклучувајќи продажба на дрога, фалсификување на пари и документи и дистрибуција на детска порнографија.

 

 

 

 

Добивајте вести на Viber

11.10.2019 - 14:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега