Видео: Флорида се подготвува за удар - прогласена вонредна состојба поради бурата Алберто

 

Гувернерот на Флорида, Рик Скот денеска прогласи вонредна состојба во 67 окрузи во оваа американска сојузна држава, во пресрет на надоаѓањето на субтропската бура Алберто.

Во предупредувањето на властите им се препорачува на граѓаните многу сериозно да ја сфатат опасноста од бурата. 

Директорот на Службата за вонредни состојби, Вес Мол изјави дека не може да се каже точното време кога субтропската бура ќе стигне до бреговите на Флорида, но дека последиците од неа ќе ги почувствува целата држава. 

Според Мол, можно е бурата да донесе обилни дождови и да предизвика поплави и торнада. 

Бурата Алберто, прва во оваа сезона во регионт, се движи низ Карипското Море и откако вчера мина меѓу Мексико и Куба, во текот на викендов се очекува да ја погоди Флорида.

Денеска во жариштето на бурата дуваат ветови со брзина од 65 килоемтри на час, но се очекува нивно засилување со приближувањето кон американскиот брег. 

 

 

 

27.05.2018 - 14:28

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа