ВИДЕО: Бурата во Грција донела огромни поплави - хеликоптери ќе спасуваат луѓе, возилата блокирани

Силна бура ја погоди вчера Грција, па стотина домови беа поплавени во Атина.

Спасувачите се подготвуваат со хеликоптери да спасуваат луѓе заробени на крововите од зградите и од оддалечението области на северозападниот остров Крф, рекол министерот за цивилна заштита и климатски промени Христос Стилијанидес.

„Нема сомнеж дека сме соочени со опасна временска појава која е многу сериозна во некои делови од земјата“, рекол тој.

На островот Евиа најмалку три области погодени со шумски пожари во август се евакуирани.

Неколку десетици луѓе се евакуирани од домовите на северот од островот и ќе бидат сместени кај пријатели или во хотелите кои ги обезбедиле регионалните власти.

Пожарникарните служби добиле повеќе од 300 повици за испумпување на вода од поплавените домови, јавуваат властите.

Десетина возила останале блокирани на поплавените патишта, а луѓето биле приморани да ги напуштат.

15.10.2021 - 08:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа