ВИДЕО: Аргентински пратеник фатен во „жешка“ акција со партнерката на сред седница на конгресот

Пратеник во Аргентина беше суспендиран откако камерата го забележа како ја милува својата партнерка, пред тој делумно да и ја соблече маицата, за време на виртуелната сесија на долниот дом на Конгресот.

За време на специјалната седница на која присуствуваа неколку пратеници во живо, а повеќето преку видео врска, политичарот Хуан Емилио Амери беше снимен како седи со својата партнерка пред непристојниот чин.

Набргу по инцидентот, кој стана вирален на Интернет и предизвика незадоволство кај јавноста во Аргентина, пратениците изгласаа суспензија за Амери.

Амери е пратеник од северната провинција Салта во владејачката коалиција. Амери за локалното радио изјави дека се чувствува лошо за сè што се случило.
Тој додаде дека неговата интернет-врска е слаба и дека не бил свесен дека е фатен во интимен момент со неговата партнерка.

Владејачката коалиција ќе ја повика комисијата наскоро да ги утврди конечните санкции за Амери.

 

 

 

 

Добивајте вести на Viber

25.09.2020 - 22:14

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега