Ванковска за обраќањето на Јанева: Призна дека знаела за кривичното дело во кое е инволвирана, ама не пријавила, ниту повела истрага

По прес-конференцијата на специјалната јавна обвинителка во оставка,  Катица Јанева која се огради од случајот „Рекет“, се јави и професорката Биљана Ванковска со статус на Фејсбук. 

Таа вели дека правната држава во земјата е одамна прежалена.

„Инаку, Ката за првпат се појави сама на прес-конференција, што зборува само за себе! Оние што се оградија од неа нигде ги нема, а Фатиме е на одмор и се сонча некаде. Второ, текстот ѝ го напишал некој писмен, а таа во меѓувреме научила да чита (на почетокот ни тоа не го знаеше, ама се навежбала). Суштински не кажа ништо, освен што сакаше да почнеме да плачеме за неправдата која ѝ се чини – правната држава е одамна прежалена. Трето, имплицитно призна дека знаела за кривичното дело во кое е инволвирана, ама не пријавила, ниту повела истрага. Четврто, индиректно го инкриминира и сопствениот син, сакајќи да си ја спаси кожата. Петто, онаа нејзина „одложена оставка“ е рабиш, правнички џанк – слично како одложеното распуштање на Собранието (ви текнува)? СЈО е конституирано и озаконето околу неа како инокосен орган на прогон и нејзината оставка не трпи „сива зона“, ќе дојдам кога ми се може и час сум во оставка, час ја вршам должноста во полн капацитет. Шесто, очекувајте уште епизоди од евтинава сапуница… Но, не дозволувајте да ви влезе под кожа до толку за да ја заборавите големата слика: овде има луѓе кои се „дебело“ виновни и одговорни, а за двете состојби (кои се различни) постојат соодветни „лекови“ познати од нормални држави“, пишува таа.

 

 

 

Добивајте вести на Viber

23.07.2019 - 21:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега