Француските и сенегалските власти разоткрија една од најмонструозните педофилски мрежи во последните години, која дејствувала на релација Бове – Сали. Како што пренесува реномираниот весник „Монд“, сенегалската полиција веќе привела 14 лица кои се сомничат за групна педофилија, силување и намерно ширење на вирусот ХИВ меѓу малолетни момчиња.
Истрагата открива морничави детали: децата биле злоупотребувани од мажи кои имале незаштитен секс со нив, а сето тоа било снимано. Француското одделение за криминалистички истраги го води случајот кој ја згрози светската јавност.