Уште едно бебенце заразено со морбили во Скопје

Дванаесет месечно дете од Чаир со морбили вчера било хоспитализирано на Инфективната клиника.

Од Институтот за јавно здравје соопштуваат дека од почетокот на епидемијата во Скопје регистрирани се 66 заболени од мали сипаници.

Според возраста најголем број се деца до 4 години, кои не биле вакцинирани. Највозрасниот пациент е на 42 годишна возраст, родител на едно од децата, а најмалиот е 8 месечно бебе.  По општини најмногу заболени има во Аеродром и Бутел. Случаи со морбили регистрирани се речиси во сите скопски општини.

На Инфективната клиника биле лекувани 42 лица, а во моментот на болничко лекување се 30-тина пациенти кои не се животна опасност.

Од Министерството за здравство информираа дека од почетокот на вонредната имунизација до денес вакцинирани се 3350 лица.

 

 

 

Добивајте вести на Viber

21.01.2019 - 20:50

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега