Уапсен малолетник поради тешка кражба во скопски Аеродром
17-годишно лице од Скопје е уапсено поради тешка кражба во продавница на подрачјето на скопски Аеродором, соопшти полицијата.
Според информации од таму, вчера од полициски службеници од Единицата за внатрешни работи Аеродром е приведен 17-годишник од Скопје, кој непосредно пред тоа извршил тешка кражба во продажен објект на подрачјето на Аеродром.
Во координација со Јавен обвинител за малолетници и во присуство на родител со него е извршен разговор, при што тој во целост го признал делото и го појаснил начинот на извршување.
По комплетно документирање на случајот против него ќе биде поднесен соодветен поднесок, велат од полицијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа