Триесетдневен домашен притвор за Јанакиески

Поранешниот министер за транспорт и врски Миле Јанакиески доби 30 дена домашен притвор за случајот „ТНТ“.

За овој случај Јанакиески досега не бил во притвор.

Јанакиески, кој е обвинет во повеќе случаи на СЈО, е во притвор повеќе од две и пол години. Досега три-четири пати беше спроведуван во Шутка.

Случајот „ТНТ" се однесува за уривањето на комплексот „Космос" на инвеститорот Фијат Цановски.

За делото се обвинети повеќе лица, меѓу кои и поранешниот министер за транспорт и врски Миле Јанакиески и тогашниот градоначалник на Општина Гази Баба Тони Трајковски, додека во отсуство му се суди на екс премиерот Никола Груевски.