„Треба да престанеме да објавуваме бројки на новозаразени секој ден„- Познат хрватски научник тврди дека коронавирусот полека исчезнува

Колумнистот за здравство на Би-Би-Си минатиот викенд објави статија под наслов: „Дали е време да се вратиме во нормален живот?“. Тој се прашува дали медиумите и владите претеруваат, со оглед на тоа што се намалува бројот на пациенти во болниците. Има повеќе заразени лица, но има и повеќе тестови, пишува Би-Би-Си.

БиБиСи наведува примери како што е фактот дека 30 мажи умираат секој ден во Велика Британија од рак на простата или 30 жени од рак на дојка и од корона 10 на ден, и покрај сè уште големиот број на заразени. Така, во Хрватска, на пример, 27 луѓе умираат секој ден од срцев удар, а 16 од мозочен удар.

„Само голите бројки навистина влијаат на граѓаните, луѓето и нивната психа, и мислам дека тоа може брзо да се промени и мислам дека би било попаметно да има одредени поопшти информации од јавен карактер“, изјави научникот Иван Џикиќ за РТЛ.

Ова се прави со известување за неделните трендови во одредени области, смета Џикиќ. Бројките што многумина ги истакнуваат како клучни за намалување на паниката од корона се оние од смртност. Во првите три месеци од епидемијата во Хрватска, од март до април, 2.200 лица биле заразени со корона, а 100 лица починале во истиот период. Од крајот на април до денес, 8.300 новозаболени и 86 починаа од коронавирусот.

„Постојат голем број фактори за тоа, меѓу нив начинот на ширење на вирусот и популацијата врз која моментално влијае вирусот, но најважно е што ние како општество сме многу поподготвени за вирусот“, рече Џикиќ.