Американскиот претседател Доналд Трамп излезе со оптимистичка оцена за војната со Иран, тврдејќи дека американската војска веќе „онеспособила“ 58 ирански воени бродови. Иако Иран објавува снимки со кои тврди дека сè уште владее со Ормутскиот теснец, Трамп порача дека Техеран има само уште „неколку преостанати ракети“ и дека САД практично веќе победиле во овој судир.
Трамп тврди дека операцијата е огромен успех и дека иранската морнарица е десеткувана.
Ноќеска контејнерски брод беше погоден од ракета северно од Џебел Али (ОАЕ), а нападите кај Басра однесоа една жртва и 38 повредени.
Од 28 февруари до денес, вкупно 13 комерцијални бродови биле цел на напади во водите на Персискиот Залив и Оманскиот Залив.
Иако Трамп предупреди дека не сака прерано да прогласи конечна победа, неговите изјави се во директен судир со пропагандните видеа на иранската Револуционерна гарда, оставајќи го светот во неизвесност за тоа кој навистина ја има контролата врз глобалниот транспорт на нафта.