Тетово се најде на првото место на светска листа на загадени градови
Тетово се најде на првото место на светска листа на загадени градови која е објавена на Нумбео онлајн база на податоци со информации за загаденоста, трошоците за живот во земјите и градовите, здравствената заштита, криминалот и сообраќајот. Листата е составена според индекс на загаденост за средината на годината.
– Тие индикации се историски и се објавуваат периодично, појаснуваат на веб страницата.
Индексот на загадување во Тетово изнесува 97.44, а по Тетово на второто и трето место се градови како Кабул во Авганистан и Катманду во Непал.
Автоматската мониторинг станица за квалитет на амбиентен воздух во Тетово на Министерството за животна средина покажува дека само два од 24 денови во ноември биле со чист воздух, односно со помалку од 50 микрограми на кубен метар на отровните ПМ-10 честички. Во текот на 2020 има 105 денови во кои е надмината граничната вредност на концентрација на ПМ10 честички.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
