Тетовчанец застрелал куче со пушка

Во тетовската полиција вчера било пријавено дека 69 годишник од Долно Седларце со пушка застрелал бездомно куче во селото Долно Седларце. Тој подоцна бил повикан во полициската станица во Тетово при што одземена му е ловечката пушка.

– Во координација со ветеринарен инспектор извршен е увид. И. С. (69) повикан е во Полициската станица Тетово и одземена му е ловечка пушка „Црвена застава 16 ГА M70“. Се преземаат мерки за целосно расчистување на случајот, информираше СВР Тетово.

Иван Спировски од Долно Седларце во изјава за локална телевизија изјави дека се одлучил на постапката зошто се чувстувал загрозен за семејството и добитокот.

-Со месеци влегуваше во дворот пред семејната куќа и ги напаѓаше домашните птици и внукот. Ми задави две гуски кои чинат 50 евра. Кој ќе ми ја плати штетата. Иако сега јас можеби ќе платам казна, ама нема да има друга штета, изјави Спировски. 

 

 

 

Добивајте вести на Viber

22.10.2019 - 18:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега