Тешка сообраќајка во Визбегово: Четири млади момчиња пренесени во болница
Четири млади момчиња се здобиле со повреди откако доживеале сообраќајна несреќа во Скопје, информира МВР.
-На 26.02.2021 во 19:30 часот во СВР Скопје било пријавено дека на ул.„2“ во село Визбегово се случила сообраќајна незгода помеѓу патничко возило „ауди“, со скопски регистарски ознаки, управувано од 26-годишниот Н.Х. од Скопје, мотоцикл „хонда“, со кавадаречки регистарски ознаки, управуван од 18-годишниот Ј.З. од Скопје и мопед „лифан“ со скопски регистарски ознаки, управуван од 16-годишник од Скопје. Во незгодата со тешки телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“, се здобиле двајцата мотоциклисти и двајца сопатници на мотоциклите, 19-годишниот С.Е. и 15-годишник од Скопје. Увид на местото извршила екипа на СВР Скопје, соопшти МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
