Талески: Наместо проекти, градоначалниците на ВМРО-ДПМНЕ удираат по џебот на граѓаните

Градоначалниците од редовите на ВМРО-ДПМНЕ, 10 месеци не работат ништо освен што парите на граѓаните ги трошат на луксуз и партиски вработувања. Наместо поддршка кон граѓаните, во време на криза градоначалниците од ВМРО-ДПМНЕ дополнително удираат по стандардот на семејствата преку покачување на комуналните услуги. Општина Штип двојно, односно за 100 отсто ја зголеми цената на ѓубретарина. Наместо по 1,2 денари за метар квадратен, сега штипјани ќе плаќаат по 2,4 денари, кажа пратеникот на СДСМ, Миле Талески.

Талески вели дека зголемување има и во другите општини во Македонија.

„Зголемување на комуналните услуги за 25 отсто има и во општина Виница, додека во општина Радовиш исто така се зголемени давачките за комунални услуги. Во Прилеп пак, поскапе јавниот такси превоз.
Додека цените на услугите растат, во исто време гледаме како јавните претпријатија раководени од кадри од ВМРО-ДПМНЕ се полнат со партиски кадри. Неспособните градоначалници од ВМРО-ДПМНЕ и нивните директори, за само 10 месеци успеаја да ги задолжат и партизираат јавните претпријатија со кои раководат, за сега да бараат помош од Владата со цел да ја сокријат нивната неспособност“, кажа Талески.

Талески вели дека тоа е ВМРО-ДПМНЕ, додека глумат загриженост за економскиот стандард нивни функционери летуваат на монденски локации, а нивните градоначалници удираат по џебот на граѓаните.

„Ништо не е сменето во партијата предводена од Христијан Мицкоски. Уште еднаш се докажа дека градоначалниците и директорите од ВМРО-ДПМНЕ воопшто не се грижат за граѓаните, туку важно им е само нивните џебови и џебовите на нивните партиски другари да бидат полни, додека општините и претпријатијата тонат во долгови“, кажа пратеникот на СДСМ.

11.08.2022 - 13:28

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега