СЗО го истражува новото жариште на Ковид-19 во Пекинг
Светската здравствена организација го истражува потеклото и големината на новото жариште на Ковид-19 во Пекинг, изјави на денешната прес конференција генералниот секретар на СЗО, Тедрос Аданом Гебрејесус.
Тој додаде дека повеќе од 100 случаи на коронавирус веќе се идентификувани во градот, иако во кинеската престолнина не биле регистрирани нови заразени лица 50 дена пред појавувањето на новото жариште.
Тедрос рече дека сите земји мора да бидат будни за да го препознаат можното повторување на инфекцијата
Претходно денеска, Пекинг постави во карантин и блокада 10 населби, откако здравствената служба на земјата соопшти дека се појавиле нови случаи на коронавирус во градот.
15.06.2020 - 20:30
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
