Строг карантин во Атина

Строг карантин влезе во сила изутрината во областа Атика, поширокиот регион на Атина. Оваа мерка пред два дена ја најави премиерот на Грција, Кирјакос Мицотакис.

Од денеска целосно се затворени продавниците, фризерските и салоните за убавина. Се укинува и услугата „клик авеј“ – односно системот за нарачки и подигнување производите во закажан термин.

Училиштата се враќаат на онлајн настава, а градинките ќе бидат затворени.

Полицискиот час е сè уште во сила од 21 до шест часот од понеделник до петок, а за време на викендот од 18 часот граѓаните можат да се движат само со претходно испратена СМС-порака.