Стоилковски: Премногу е, 5 милиони евра за 4 години
„Над 5 милиони евра се дадени на тендери во шемата ќерка на татко! Над 5 милиони евра чинат набавките од Клиниката за хематологија, со директор Пановска, до приватната компанија Пановски, во период од 4 години, од летото 2018 до последниот договор сега на 6 јуни!“, обвини денеска портпаролот на ВМРО-ДПМНЕ, Наум Стоилковски.
Тој пред скопскиот Клинички центар изјави дека „нема за нова болница во Штип, нема за нова клиника во Скопје, ама има 5 милиони евра директорка да даде на своја семејна фирма“.
„Ова е срамен скандал, нечовечки скандал, ова е директна одговорност на ЈО и ДКСК, коишто веќе 4 години имаат отворени предмети за овие тендери! Предметите се јасни, има влијание, има конфликт на интереси, јавна установа набавува од семејна фирма на директор! Ова е утврдена корупција којашто се повторува само и само поради неказнивост и молк на институциите. Молкот не е опција. Премногу е! Протест за промени, в сабота во 20 часот пред Влада!“ порача Стоилковски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
