Средба на министерот Миноски со делегација на МАТТО

 

Министерот за финансии Кирил Миноски денеска се сретна со делегација од Македонско – Турската Стопанска комора (МАТТО), предводена од претседателот на комората Туна Ејуп Кахвеџи.

На средбата, информира Министерството за финансии, министерот и членовите на Комората имаа можност да дискутираат за актуелни прашања за климата за водење бизснис во Македонија, како и да дадат сугестии и идеи за нејзино понатамошно унапредување.

На средбата на министерот за финансии Миноски од страна на претседателот на комората Кахвеџи му беше врачена плакета како симбол на добрата соработка.

Покрај претседателот на МАТТО, на средбата присуствуваа и дел од членките на Управниот одбор на Комората: Турхан Адеми од Халк банка, Мунир Колашинац од Вардар Експрес, Асмир Јахоски од Пуцко Петрол, Барчин Борахан од Рамстор, Барчин Шенсојлу од Суташ и Муртеза Сулооџа од Јени Балкан.

 
 
11.11.2016 - 17:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа