Србин нападнат на автопатот „Скопје-Тетово

Педетсетгодишниот М.С. од Република Србија, кој управувал товарно возило „ман“, со српски национални  ознаки, бил нападнат од две лица кои биле со патничко возило „мерцедес“ вчера на автопатот Скопје Тетово, пред наплатната рампа „Глумово“.

Како што информира МВР, напаѓачите потоа со метален предмет го оштетиле стаклото на неговото возило. За настанот е запознаен Јавен обвинител и се преземаат мерки за расчистување на случајот.