Спасовски: Нема индикации за нарушување на безбедноста на земјата

Сите надлежни органи и МВР и АНБ и Агенцијата за разузнавање преземаат сериозни активности во насока на борбата против тероризмот или спречување на било какви активности, што би можеле да ја загрозат безбедносната состојба во земјава, изјави министерот за внатрешни работи, Оливер Спасовски на пригодната церемонија со американската амбасадорка Кејт Мери Брнз, по повод пуштањето во употреба на реновираниот објект во Полицискиот центар „Ѓорче Петров“.

Според министерот, сега во моментов нема индикации за нарушување на безбедноста на земјата.

Во однос на лицата кои се бореле на воените огништа како членови на терористички организации дел од ИСИС, Спасовски информира дека ресоцијализацијата е важен процес.

-Тие кои заминале е важно да се вратат и ресоцијализираат. За сите кои се обезбедни докази ќе бидат изведени пред судот. Жените и децата подлежат на процесот на враќање во нормала и ресоцијализација, додаде Спасовски.