Состојба со Ковид-19 во светот до 20 часот

Според најновите податоци, во светот досега се регистрирани 1.079.978 лицa заразени со новиот коронавирус. Од нив починати се 58.110, а оздравеле 227.668 луѓе.

 – Брзото укинување на ограничувањата наметнати од страна на земјите за борба против на коронавирусот може да доведе до засилување на пандемијата и да предизвика сериозни економски загуби.

– На предлог на Советот на министри и врз основа на Уставот, Националното собрание на Бугарија ја продолжи вонредната состојба до 13 мај.

– Глобалната економија е во рецесија поради пандемијата на новиот коронавирус, изјави директорката на Меѓународниот монетарен фонд (ММФ), Кристалина Георгиева.

– Њујорк го забележа најтешкиот ден од почетокот на епидемијата на коронавирусот со 562 починати за 24 часа.

– Бројот на починати од новиот коронавирус во Турција денеска се зголеми за 69 на 425. Потврдените случаи на инфекција се зголемиле за 2.786 на 20.921 година.

– Пандемијата на коронавирусот уби над 40.000 луѓе во Европа, а повеќе од три четвртини од жртвите се во Италија, Шпанија и Франција.

– Во Мексико запре производството на пивото Корона, поради вонредната состојба во земјата.

– Во Ирска, во последните 24 часа починаа 22 лица, а повеќе од 400 се заразени. Вкупниот број на заразени со коронавирусот во земјата се зголеми на 4.273, а починати се вкупно 120.

– Туниските власти поставија полициски роботи на улиците во државата за да се обезбеди дека карантинот се почитува.

– Германија и донираше 50 вентилатори на Шпанија за да и помогнат во борбата против Ковид-19.

– На Филипините во последните 24 часа починале 29 луѓе.

 
 

 

 

Добивајте вести на Viber

03.04.2020 - 20:32

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега