Сорос: Русија го означи почетокот на Третата светска војна, цивилизацијата можеби нема да опстане

 

Американскиот милијардер и филантроп Џорџ Сорос се обрати на Светскиот економски форум во Давос, предупредувајќи дека руската инвазија на Украина можеби го означила почетокот на Третата светска војна.

– Мора да ги мобилизираме сите наши ресурси за предвреме да заврши војната. Најдобар и можеби единствен начин да ја зачуваме нашата цивилизација е да го победиме Путин што е можно поскоро – истакна Сорос.

Сорос предупреди дека ситуацијата во светот нема да биде иста како кога престанаа борбите, бидејќи другите проблеми што го засегаат човештвото, како што се пандемијата на коронавирус, климатските промени, одржувањето на глобалните институции, се поместени поради војната во Украина.

– Затоа велам дека цивилизацијата можеби нема да опстане – додаде Сорос.

Сорос ја повика Европа да ја искористи својата позиција на голем потрошувач на руски природен гас за да заземе поцврст став кон Русија, пренесуваат светските агенции.

25.05.2022 - 09:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега