Сопственикот на објектот пред „Мавровка“: Имав одобрение за обнова

 Кај ТЦ Мавровска претпладнево почна уривањето на дивоградбата. Донесена е градежна механизација, а локацијата ја обезбедува полицијата.

Уривањето го врши ЈП за Јавно претпријатие за одржување и заштита на магистралните и регионалните патишта.

„Имав одобрение за обнова на објетот, рече пред малку пред новинарите сопственикот на објектот пред ТЦ „Мавровка“ Мевљудин Алити, пренесува Телма.

Според него во таков случај не било важно со каков материјал ќе се обнови објектот, само да не излегува од постоечката површина.

Алити, кој го презентираше проектот за обнова пред новинарите, вели дека немало планирани да се гради  втор кат.

„Не градев нов објект туму го обновував изгорениот објект, кој предходно беше со метална конструкција“, кажа Алити.

Владата на Република Македонија на својата прва седница одржана вчера донесе одлука да му препорача на Управниот одбор на Јавно претпријатие за одржување и заштита на магистралните и регионалните патишта да донесе одлука за ангажирање на потребна механизација, средства за работа и вработени, за уривање и демонтирање на бесправно изграден градежен објект што се наоѓа пред ТЦ Мавровка, без надоместок кон Општина Чаир, односно од сопствени средства.

Во рамките на оваа одлука Владата им препорачува на Општина Чаир и Јавно претпријатие за одржување и заштита на магистралните и регионалните патишта да ги регулираат меѓусебните права и обврски да склучат Договор за отстранување на бесправно изграден градежен објект, делови од објекти и бесправно поставени објекти.

По исполнување на обврските од договорот, Општина Чаир и Јавно претпријатие за одржување и заштита на магистралните и регионалните патиша, во рок од седум дена, се задолжени да подготват и до Владата на Република Северна Македонија да достават соодветна Информација за извршување на обврските од одлуката.

 

 

 

Добивајте вести на Viber

02.09.2020 - 11:54

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега