Собранието го донесе Законот за научно-истражувачка дејност - ќе продолжи со работа во 19 часот

Во продолжението на 19. седница, Собранието попладне ги донесе измените и дополнувањата на Законот за научно-истражувачка дејност, по скратена постапка.

Претседателот на Собранието Талат Џафери најави дека Собранието ќе ја продолжи работата во 19 часот, а во меѓувреме продолжува расправата во Комисијата за здравство, на која повеќе од пет часа се дебатира за измените и дополнувањата на Законот за заштита на населението од заразни болести.

Претходно, Џафери ја почна седницата со образложение дека Комисијата не ја завршила својата работа и дека ќе продолжат со другите точки.

-Собранието се изјасни по барањето за точката која одлучивте да биде прва. Според процедурите на собранието Комисијата требаше да заврши до почетокот на седницава, но не е завршена. Јас во целост ги разбирам политичките одлуки во партиите и партиските органи, но да разберете дека Собранието работи по процедура и Деловник, истакна Џафери и ја продолжи седницата по другите точки.

За Законот за заштита на населението од заразни болести, што се носи по скратена постапка и чии измени се поврзани со мерките за справување со коронавирусот, пратениците од владејачкото мнозинство поднесоа пет амандмани, а амандмани имаат и Алијанса на Албанците и Алтернатива. 

 

 

 

Добивајте вести на Viber

28.10.2020 - 17:14

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега