Силна експлозија одекна во текот на ноќта пред филијала на банка во солунската населба Евсомос, предизвикувајќи значителна материјална штета на околните објекти и возила. Во инцидентот нема повредени лица, а според првичните информации, на детонацијата не ѝ претходел никаков предупредувачки повик или известување.
Експлозијата била толку силна што се слушнала во радиус од над еден километар. Најмалку седум паркирани автомобили во непосредна близина претрпеле сериозни оштетувања, а искршени се и стакла на околните деловни и станбени објекти.
Грчката полиција и специјалниот оддел за деактивирање на експлозивни направи се на терен и вршат увид. Истрагата е во тек и треба да ги утврди точните околности, како и видот на експлозивната направа што била употребена во овој напад.