Силјановска: Владата ја лажира стварноста, денешниот чин нема врска со членството во НАТО

На свечена церемонија денеска пред Владата на Република Македонија беше кренато знамето на НАТО.

Професорката Гордана Силјановска Давкова, една од кандидатите за претседател на Македонија, во статус на социјалната мрежа Фејсбук, посочи дека, процедурата за влез во НАТО сѐ уште не е завршена, па оттаму и кревањето на знамето НАТО е лажирање на стварноста.

Наместо владеење на правото и правда за Македонија денес посведочивме еден бизарен политички ритуал кој се одвиваше пред зградата на Владата на Република Северна Македонија. Во недостаток на вистински успеси, и среде зовриена атмосфера од скандалите кои се граничат со трагикомедија, Владата денес се обиде да ја лажира стварноста, истакнувајќи го знамето на НАТО. Бидејќи процедурата сеуште трае денешниот чин нема никаква врска со членството во НАТО, туку со преименувањето на државните институции. Одсуството на претседателот на Македонија е непочитување на протоколот и неправда кон институција на државата. Ваквиот чин нѐ прикажува како незрела и несериозна држава, напиша професорката.

 

 

 

 

Добивајте вести на Viber

12.02.2019 - 20:58

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега