Силјановска Давкова: Има шанса да се обнови тоа што остана, затоа ќе донесеме 4 милијарди инвестиции и ќе ги покачиме платите за 25%

Професорката Гордана Силјановска Давкова носител во Изборната единица 1 од ВМРО-ДПМНЕ денеска беше во посета на Сопиште од каде што истакна дека СДСМ го избриша македонскиот идентитет, се откажа од правото на самоопределување, а од државата направија хибриден режим и најнепосакувана дестинација во Европа.

Силјановска потенцираше дека со СДСМ во Македонија нема парламентарна демократија, нема независно судство, нема право и правда и нема функционална држава бидејќи без ефикасни политики не може да функционира државата.

- Државата ја направија руина, а  држава без стабилна и институции не е држава, држава во која доверба во судството имаат одвај 3% граѓани не е држава, држава во која врвот на јавното обвинителство односно СЈО е е синоним за корупција е држава е пред пропаѓање и како таква во извештаите ја водат како хибриден режим, рече Силјановска.

Токму затоа таа посочи  дека има шанса да се обнови тоа што остана, но за тоа е потребна промена на власт. Кога ВМРО-ДПМНЕ ќе ја преземе власта ќе работи на обнова на Македонија, за младите да останат во државата и за таа цел ќе се донесат најмалку 4 милијарди странски и домашни инвестиции, ќе се покачат платите за 25%, пензиите за 20%, а за младите до 29 години при нивно вработување бизнисот ќе биде ослободен од давачки.

- Овие луѓе се однародени, живеат во свој свет кој не е ист со нашиот. Друг народ не се наоѓа, ама власт друга може да се најде. 15 јули нивниот црн ден ќе биде македонскиот светол ден, нагласи Силјановска Давкова

 

 

 

Добивајте вести на Viber

03.07.2020 - 18:52

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега