Шведска ја одобри вакцината на „Астразенека“ за луѓе над 65 години
Шведските здравствени власти денес ја проширија употребата на вакцината на „Астразенека“ за лица над 65 години, по новото британско истражување.
Досега Стокхолм не ја препорачуваше вакцината за луѓе над 65 години, повикувајќи се на недоволни научни податоци.
„Три големи студии во Велика Британија сега покажуваат дека вакцината на ‘Астразенека’ обезбедува добра заштита, дури и за лица над 80 години, и дека нејзиниот заштитен ефект може да се спореди со оној на другите одобрени вакцини“, се вели во соопштението.
И Белгија, Германија и Франција ја одобрија вакцината на „Астразенека“ за лица над 65 години.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
