Штипјанец не ја почитувал мерката за самоизолација- му се заканува казна од 5000 евра

Штипското Основно јавно обвинителство денеска побара судот да ја изрече највисоката парична казна за 32 годишен штипјанец, кој не ја почитувал мерката за задолжителна самоизолација. Штипјанецот кој не седел дома сега се соочува со парична казна од 5.000 евра.

– Обвинетиот 32-годишник не постапил според решението со кое му била определена задолжителна домашна изолација до 26 март, па на 25 март го напуштил својот дом и отишол во берберски салон. Со ова тој не постапил според одлуката на Владата со која се определуваат мерки за сузбивање и спречување на заразната болест Ковид-19, се вели во соопштението од Основното јавно обвинтелство во Штип.

Во него се наведува дека надлежниот јавен обвинител од Судот побарал на обвинетиот да му определи парична казна од 100 дневни глоби, при што висината на секоја дневна глоба да биде одредена на износ од 50 евра во денарска противвредност, односно вкупна парична казна од 5.000 евра. 

 

 

 

Добивајте вести на Viber

31.03.2020 - 15:21

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега